Gipamatud-an sa Switzerland ang ilang gahom human nila gipukan ang co-host nga Canada sa iskor nga 2-1 aron agawon ang unang dapit sa Group B sa World Cup.
Bisan pa sa hinay nga sinugdanan sa maong dula, mibuhagay ang opensa sa Switzerland pinaagi sa sunod-sunod nga puntos nila Ruben Vargas ug Johan Manzambi.
Samtang naningkamot ang Canada, nakapahagpat lamang sila og usa ka goal gikan kang Promise David nga wala igo aron maka-equalize sa score.
Nunot niini, mas bug-at nga tahas ang nagpaabot sa Canada sa Round of 32 tungod sa ilang pagbiyahe paingon sa California aron atubangon ang runner-up sa Group A nga gituohang mao ang South Korea.
Sa laing bahin, ang Switzerland nagpaabot na sa ilang sunod nga kontra nga usa ka third-place team didto sa Vancouver.
