Gipasabot ni Atty Benjamin Tolosa Jr, ang legal spokesperson sa House Prosecution Panel, ang mga rason nga mahimong mapagawas ang surprised witness sa korte.
Sa exclusive interview sa BOMBO RADYO, miingon si Tolosa nga adunay duha ka rason nga sila ma-expose sa senate impeachment hearing ni Vice President Sara Duterte.
Una, gitugotan nga dili una isulti ang ngalan sa usa ka testigo kon adunay balidong rason sa seguridad, apan kinahanglan nga mapamatud-an o ma-justify kini.
Bisan pa niini, kinahanglan gihapon nga ipahibalo sa pikas bahin ug sa korte ang pagkatao sa testigo labing minus tolo (3) ka adlaw sa dili pa kini i-presentar.
Ika duha, mahimo usab nga i-reserba ang usa ka testigo kon ang iyang pagkatao o ang iyang ebidensya wala pa masayran o makuha sa wala pa ang pre-trial.
Miingon si Tolosa nga posible man gud nga sa tunga-tunga na sa mismong pagsulay o actual trial pa lang madiskobrehan sa usa ka partido nga adunay ingon niini nga klase sa testigo o ebidensya.
