Dili rason ang pagsugilon nga sila nabully o trauma aron mang-abuso.
Kini ang gibutyag ni Dra Gladys Canillo-Borja usa ka Clinical Psychologist, sa interview sa BOMBO RADYO.
Siya miingon nga dili angayng himoong katarungan o i-justified ang paghimo sa pagpanaway tungod lang kay ang usa ka tawo na-bully kaniadto o adunay traumatic nga kasinatian sa pamilya.
Kumbinsido si Dra Borja nga ang krimen nga mabuhat sa batan-on epekto sa ilang gitagu-tagu nga kasuko o trauma tulubagon sa mga ginikanan.
Gawas niini, ang eksperto nagtoo nga dili silot ang solusyon aron matubag ang ilang sikolohikal nga suliran, apan, ang gobyerno kinahanglan mangitag pamaagi o interventions aron dili masubli ang krimen sa mga tunghaan o mga krimen nga binuhatan sa mga batan-on.
Gikinahanglan ang saktong imbestigasyon, mas lawom nga psychological assessment, family intervention, ug ang pagmugna sa luwas nga dapit (safe space) alang sa tanan, dili lang sa mga nalambigit sa maong panghitabo.-
