Gikalipay sa buhatan sa Cagayan de Oro Water District (COWD) ang maayo nga feedback sa mga katawhan alang sa sugyot nga kapin-kulang 40 porsyento nga umento sa bayrunon sa tubig atol sa gipahigayun nga mga public hearing sa miaging mga adlaw.
Kini ang gipamahayag ni Dr. Gerry Caño Chairman of the Board sa COWD.
Dugang pa niya nga nasabtan sa mga konsumidor ang kamahinungdanon sa maong umento tungod kay ang nakolektang pundo gamiton sa pagdugang sa suplay sa tubig ug pag-ayo sa 50 porsyento nga losses sa ilang operasyon.
Bisan pa niini, gipasalig sa COWD nga padayon ang ilang paningkamot aron masiguro nga makadawat og igong serbisyo ang mga residente sa nagkalain-laing barangay.
