Nanghinaot si Dr. Gerry Caño, Board Director sa Cagayan de Oro Water District, nga madali ang paggawas sa approval gikan sa Local Water Utilities Administration (LWUA) kalabot sa giplanong pagsaka sa bayranan sa tubig.
Giingon ni Caño nga kung adunay dili kalikayan nga pagkalangan, gilauman nila nga maaprubahan kini sa sunod tuig o sa umaabot nga Disyembre.
Sa higayon nga madawat na ang maong approval, ipahibalo dayon kini sa mga konsumante, lakip ang petsa kon kanus-a magsugod ang implementasyon sa pagsaka sa bayranan.
Hangyo usab sa opisyal ang suporta sa Bombo Radyo Cagayan de Oro aron mapahibalo ang publiko sa maong kausaban ug dili sila makurat sa pag-abot sa ilang billing statement.
Sa pagkakaron, nagpadayon ang paghulat sa maong ahensya sa pormal nga pagtugot alang sa gitinguhang pag-usab sa bayranan sa tubig. (JANE ABULAG)
