Total cleansing o total transformation mao kini ang nakitang solusyon sa grupong August Twenty-One Movement aron maambit sa nasud ang usa ka gobyerno nga adunay moralidad.
Busa karong adlawa sa ilang pagduyog sa White Ribbon march didto sa kaulohan, lakip sa ilang gipanawagan ang pagpanubag na sa tanang mga nalambigit sa korapsyon sa nasud.
Subay sa gipadayag ni Bien Gonzales, ang Vice President sa maong grupo, ang pagpaningil og tulubagon sa tanang nalambigit sa mga anomaliya ang bugtong paagi aron makab-ot ang mas maayong kaugmaon sa nasod.
Dugang pa niya, kinahanglan gayod kini aron makabaton ang kagamhanan og tinood nga mga lider nga adunay moralidad sa pagserbisyo sa katawhan.
