Gikoronahan isip bag-ong Miss Philippines Earth 2026 si Rina Andrea Delos Santos gikan sa Ballesteros, Cagayan human niya nalupig ang 31 ka mga kandidata sa kompetisyon nga gipahigayon sa Malitbog Cultural Center sa Bukidnon.
Subay sa taho sa Philippine Culture Events, si Natalie Puskinova gikan sa Czech Republic ang mipahiluna sa korona kang Delos Santos gumikan kay wala makatunga ang kanhi nga titleholder nga si Joy Barcoma.
Gawas sa maong kadaugan, gipasidunggan usab sila si Prima Joy Alamban isip Miss Philippines-Air, Alyssa Mildred Villarina isip Miss Philippines Water, Patricia Anne Nichole Bangug isip Miss Philippines Fire, ug Roveelaine Eve Castillo isip Miss Philippines-Ecotourism.
Tungod niini, gitutokan na karon ang pagpangandam ni Delos Santos alang sa umaabot nga 2026 Miss Earth Pageant diin dako ang paglaom nga makuha niya ang ikalima nga kadaugan sa nasod sa maong internasyonal nga entablado.
