Gikondena pundok sa mga kabatan-onan ang sugyot nga ipaubos ang age of responsibility sa mga bata nga nalambigit sa krimen tungod kay giisip kini nga band-aid solution lamang sa mas lawom nga problema sa katilingban.
Gipahinumdoman ni Allysa Ancheta sa Gabriela Youth nga ubos sa Republic Act 9344 o Juvenile Justice and Welfare Act of 2006, ang mga menor de edad gihatagan og rehabilitasyon imbes nga diretso nga prisohon sama sa mga hamtong.
Subay sa datos sa Commission on Human Rights nga gihisgutan ni Ancheta, kasagaran matod pa sa mga bata nga nalambigit sa krimen nagagikan sa mga pamilyang nakasinati og grabeng kakabus, kawalay trabaho, ug kakuwang sa suporta sa estado.
Busa, imbes nga magtutok sa pagsilot, nanawagan siya nga sulbaron ang mga punoan nga hinungdan sama sa krisis sa ekonomiya ug edukasyon nga nagduso sa mga bata ngadto sa maong sitwasyon.
