Ipatuman sa Department of Agriculture (DA) ang mas hapsay nga estruktura ug direksyon sa ube tungod sa nagktaas nga demand niini sa tibook kalibotan, kini aron mas mapadako pa kini isip nag-unang export product.
Gihimo ang usa ka consultative meeting tali sa DA, Department of Trade and Industry (DTI), ug hapit 250 ka mga mag-uuma ug negosyante aron sulbaron ang problema sa kulang ug dili patas nga suplay sa maong produkto.
Lakip sa mga giplano mao ang pagtukod og usa ka technical working group nga maoy mogama og hiniusang giya sa kalidad aron malikayan ang kalangay sa mga kargamento padulong sa mga nasod sama sa Canada, Middle East, ug Amerika.
Matod pa ni DA Secretary Francisco Tiu Laurel, ang maong lakang dako ang tabang aron mapataas ang kita sa mga mag-uuma ug mapalig-on ang ekonomiya pinaagi sa ppagpalambo sa mga lokal nga produkto ngadto sa merkado sa tibookl kalibotan.
