Subay sa taho sa World Bank, opisyal na nga nabutang ang Pilipinas sa upper middle-income status base sa Gross National Income per capita niini.
Bisan pa man niini, gitin-aw sa ekonomista nga si Ray Talimio Jr. nga kini usa lamang ka estadistika ug wala kini nagpasabot nga ang matag Pilipino nagkita na og 22,800 pesos matag bulan.
Dugang pa ni Talimio, kinahanglan nga klarohon sa kagamhanan ang maong klasipikasyon tungod kay sukwahi sa maong mga numero ang kasamtangang kalisod nga nasinati sa katawhan sa Pilipinas.
Hinuon, giila sa maong eksperto nga ang nahisgutang kalamboan bunga sa padayong paningkamot sa nagkalain-laing administrasyon sa nasod ug dili direktang tungod lang sa kasamtangang administrasyon ni PBBM.
