Subling midaog og gold medal ang Filipino pole vaulter nga si EJ Obiena human malabwan ang 5.75 metros nga gitas-on sa Raiffeisen Austrian Open didto sa Eisenstadt, Austria.
Kani nga kadaugan maoy iyang ikaduhang sunod-sunod nga titulo human usab sa iyang nahaunang bulawan didto sa Poland niadtong Hunyo 28.
Komportable nga gilupig ni Obiena silang Owen Heard sa Great Britain ug Dan Barta sa Czechia nga parehong mitala lang sa 5.55 metros.
Ang iyang sunod-sunod nga pagdaog nagpakita sa iyang nindot nga pagbalik sa saktong porma human sa lisod nga bahin sa iyang kampanya karong tuiga.
Hisayrang kini nga mga kadaugan naghatag kaniya og dakong momentum samtang nagpadayon ang ulahing bahin sa iyang international athletics season.
