Gipahayag ni Canadian Prime Minister Mark Carney ang pagpalawom sa pakig-alayon sa Canada ngadto sa mga nasod nga may parehong mithi taliwala sa paspas nga pagbag-o sa kalibutan.
Atol sa iyang tigom uban ni Presidente Ferdinand Marcos Jr., iyang gipalanog ang kamahinungdanon sa pagtiwas sa negosasyon alang sa Canada-ASEAN Free Trade Agreement karong tuiga, nga magbukas sa usa ka $5 trilyon nga merkado alang sa mga negosyo ug mamumuo.
Gawas niini, gipaspasan usab sa duha ka lider ang pagkab-ot sa usa ka mabulukong kasabutan sa gawasnong kalamboan sa pamatigayon tali sa Canada ug Pilipinas.
Giila ni Carney ang Pilipinas isip usa sa mga nasod nga adunay labing paspas nga nagtubo nga ekonomiya sa tibuok kalibutan, nga adunay hapit 120 ka milyon nga populasyon.
Tungod sa maong lakang, gilauman nga mapatripol o katulo ka pilo ang makuha nga kantidad sa bilateral nga kalakayan sa duha ka nasod sa dili pa moabot ang tuig 2035.
