Plano sa tanang prosecutor, lakip na ang mga bag-ong private prosecutor, nga motambong sa unang adlaw sa impeachment trial aron pormal nga mosulod o adunay entry of appearance.
Sa eksklusibong pakighinabi sa Bombo Radyo ni House Prosecution Spokesperson Robert Ace Barbers, gitataw niyang andam na ang panel sa pagpresentar og mga ebidensya ug mga saksi bisan pa man kung molungtad og dugay ang maong pagdungog.
Bisan pa sa ilang kadaghan ug nagkalain-laing kaagi sa balaod, giingong nagpabiling maayo ug hapsay ang panaghiusa sa maong mga abogado.
Dugang pa sa kanhi Representante, gawas sa isyu kon kinsa ang mangulo o mag-preside, gilauman usab ang mga diskusyon sa mga procedure ug kon tugotan ba sa korte ug sa depensa ang mga ebidensyang ilatag sa prosekusyon.
