Base sa pagpanubay sa Bombo News Team, temporaryong gisirad-an ang ganghaan sa Sandiganbayan samtang gipahigayon ang pagsikop kang Senador Rodante Marcoleta.
Ang 3rd Division sa Sandiganbayan mao’y nag-isyu sa arrest order human gisang-at sa Office of the Ombudsman ang kasong plunder batok sa senador.
Ang kaso nag-ugat sa gi-ingong pagdawat ni Marcoleta sa ₱75 milyon nga donasyon sa wala pa ang campaign period sa 2025, panahon nga siya pa kongresista.
Matod sa mga nakasaksi, gipahigayon ang operasyon sa sulod sa korte aron malikayan ang kagubot ug siguridad nga risgo.
Gidala si Marcoleta sa kustodiya sa mga awtoridad aron atubangon ang mga akusasyon nga plunder, indirect bribery, ug paglapas sa Presidential Decree No. 46 nga nagdili sa mga opisyal sa gobyerno sa pagdawat sa regalo.
Sa kasamtangan, nagpadayon ang Sandiganbayan 3rd Division sa pagproseso sa mga dokumento ug ebidensya samtang gipaabot ang commitment order alang sa pagdetenir sa senador.
Ang mga opisyal sa korte nagpahimangno usab nga ang proseso magpadayon ubos sa mahigpit nga seguridad ug transparency.
