Gipadayag ni Pangulong Ferdinand Marcos Jr. ang iyang garbo kang Tennis Star Player Alex Eala human sa makasaysayanong kadaugan niini sa Wimbledon.
Matud sa Pangulo, nakatan-aw siya sa katapusang set sa duwa ug nalipay siya sa resulta.
Gidayeg usab niya ang batan-ong tennis star isip usa ka world-class athlete ug tinuod nga inspirasyon sa mga batan-ong Pilipino.
Gidasig ni Pangulong Marcos si Eala nga ipadayon ang iyang maayong gipakita sa tennis ug nanghinaot nga Magpadayon.
Dugang pa sa Pangulo, ang tibuok nasod nagpaluyo kang Eala ug naghinamhinam sa mas daghang kalampusan nga iyang makab-ot sa umaabot.
