Patay ang Tibetan activist nga si Lobga Rangzen human siya naghimo og self-immolation o pagsunog sa iyang kaugalingong lawas isip porma sa protesta sa gawas sa United Nations Headquarters sa New York niadtong Hulyo 2 ning tuiga.
Hisayrang sa wala pa ang maong insidente, nag-live pa kini sa Facebook diin iyang gipanawagan ang kagawasan sa Tibet ug ang paghunong sa giingon niyang paglapas sa tawhanong katungod batok sa mga Tibetan.
Sumala sa mga Tibetan advocacy group, gihimo ni Rangzen ang maong protesta isip pagsupak sa bag-ong Ethnic Unity and Progress Law sa China, nga giingong naghulga sa pagpreserbar sa kultura, pinulongan, ug identidad sa mga Tibetan ug ubang etnikong minoriya.
Ang iyang kamatayon nakapukaw pag-usab sa internasyonal nga pagtagad sa kahimtang sa tawhanong katungod sa Tibet.
Giingong kini usab ang unang naitalang kaso sa self-immolation isip porma sa protesta alang sa Tibet nga nahitabo sa Estados Unidos.
