Nasakmit sa mga operatiba sa Police Station 4 sa Cagayan de Oro City Police Office (COCPO) ang gibana-banang ₱34,000 nga balor sa gituohang shabu human nasikop ang usa ka 21-anyos nga suspek nga nailhang si Jan-jan sa gilusad nga buy-bust operation sa Barangay Kauswagan kagahapong.
Sumala pa sa pamahayag ni PMAJ Mario Nalla Mantala Jr., ang Station Commander sa maong istasyon, moabot sa lima ka gramos ang kantidad sa ilegal nga droga nga nakuha gikan sa dinakpan.
Dugang pa sa mga otoridad, nasakmit usab nila ang buy-bust money, usa ka cellphone, ug coin purse nga gigamit sa suspek sa iyang iligal nga binuhatan.
Sa pagkakaron, nagtingkagol na ang suspek sa prisohan sa Police Station 4 samtang giandam na ang kasong paglapas sa Republic Act 9165 batok kaniya.
