Gipasabot ni kanhi City Atty. Mayor Oscar Moreno nga dili ikatingala ang pag-absent ni Bise Presidente Sara Duterte sa iyang impeachment trial tungod sa mga taktika ug optics nga angayang likayan sa kampo sa depensa.
Matod pa sa eksperto nga si Moreno, lahi ang proseso sa impeachment kumpara sa naandang criminal case kay dili mandatory ang presensya sa respondent, dugang pa nga limitadong tubag lang ang gitugot sa maong forum.
Subay niini, gipunting ni Moreno nga likay-likay lang una ang kampo sa Bise Presidente sa mga hulagway o dagan sa hitabo nga mahimong makahatag og negatibong epekto sa publiko.
Bisan pa niini, gipasalig ni Atty. Moreno nga ang tinuod nga dagan sa maong kaso masayran ra puhon inig abot na sa pagpresenta ug pag-examine sa mga ebidensya gikan sa prosecution ug defense.
