Mas lig-on ang baruganan sa prosecution panel sa impeachment trial batok kang Bise Presidente Sara Duterte, kini ang obserbasyon ni kanhi Misamis Oriental Board Member Atty. Oscar Musni sa unang adlaw sa impeachment trial sa maong opisyal.
Hinuon, gipunting sa abogado nga mas klaro ang presentasyon sa prosecution kon itandi sa bahin sa depensa nga napakyas sa paghatag og direktang tubag sa mga alegasyon sa korapsyon.
Dugang pa niya, ang tulo sa upat ka mga sumbong batok sa bise presidente nalambigit sa giingong pag-abuso sa pondo sa kagamhanan gikan sa panudlanan sa nasod, busa mga bug-at kini nga alegasyon nga angay gyud matubag.
Bisan pa sa mga technicalities nga gihisgutan sa proseso, gipasiugda ni Atty. Musni ang pahayag ni Representative Jinky Luistro nga ang welfare sa katawhan maoy kinahanglan nga prayoridad sa tanan.
