Gipunting ni kanhi Misamis Oriental Board Member Atty. Oscar Musni nga dunay bug-at nga gibug-aton ang video nga nagpakita sa giingong pagpanghulga ni Bise Presidente Sara Duterte aron magamit kini sa pag-convict kaniya sa kasong grave threats.
Gipadayag sa abogado nga bisan pa og klaro ang maong ebidensya, nagpabilin nga usa ka dakong pangutana kon unsa ang mamahimong depensa sa bise presidente sanglit wala pa man kini misulti sa maong proseso.
Tungod niini, gipasiugda ni Atty. Musni nga kini usab ang hinungdan kung ngano nga angay na gyud nga motunga si Bise Presidente Duterte sa impeachment trial aron matubag ang maong mga alegasyon.
Sa pagkakaron, nagpaabot ang tanan sa sunod nga lihok sa depensa samtang giproseso ang maong mga sumbong sa balaod.
