“Bad for optics!” mao kini ang komento ni kanhi Kagawad Atty. James Judith sa kanunay nga pag-object sa mga abogado ni Bise Presidente Sara Duterte sa impeachment trial.
Gipunto ni Atty. Judith nga bisan pa og gitawag kini nga usa ka legal nga taktika, ang kanunay nga pagpahunong sa proseso mahimong makapalingiw sa publiko ug makahatag og dili maayong impresyon sa ilang katuyoan.
Subay niini, gikwestyon niya kon ngano nga kinahanglan pang sige og object ang kampo sa Bise Presidente kung wala silay gitalang sala ug tinuod nga gustong mogawas ang kamatuoran.
Puno pa sa maong abogado nga mas maayong dili na lang likayan ang presentasyon sa mga prosecutor aron mapakita ang katinuoran sa atubangan sa katawan.
