Nagpasidaan ang abogado nga si Atty. Franklin M. Quijano gikan sa PDP Laban nga sayo pa kaayo aron maghimo og forecast bahin sa dagan sa impeachment trial batok kang Vice President Sara Duterte tungod kay mahimo pa kining mausab.
Hinuon, gitambagan niya ang prosecution nga ipadayon lang ang ilang mga lihok tungod kay duna pa silay daghang angay nga makat-onan gikan sa ilang mga sayop niining unang tulo ka adlaw nga dagan sa husay.
Gipasabot usab sa abogado nga mas maayo nga pasagdan lang ang impeachment court nga buhaton ang trabaho niini aron makita sa publiko ang tinuod nga dagan sa mga panghitabo.
