Gi-aprobahan sa Senado sa Pransya ang balaod nga nagdili sa paggamit sa social media alang sa mga bata nga ubos sa 15 anyos.
Ang maong lakang naggikan sa kabalaka sa epekto sa social media sa mental health ug kaluwasan sa kabataan, ilabi na sa hulga sa cyberbullying, exposure sa dili angay nga sulod, ug digital addiction.
Gilauman nga ang mga ginikanan ug eskwelahan makig-uban sa gobyerno sa pagpatuman sa regulasyon aron masiguro ang hapsay ug luwas nga pagdako sa kabataan.
Una nang nagpagawas sa pahayag si French Presidente Emmanuel Macron nga suportado niya ang tanan balaod nga makahatag kaayuhan sa ilang sektor sa kabataan.
