Gikompirmar ni Senate Impeachment Court spokesperson Atty Regie Tongol nga gipasidad-an motu proprio ni Senate Presiding Officer Francis Chiz Escudero si National Bureau of Investigation (NBI) Director Melvin Matibag nga dili magkomento bahin sa mga miyembro sa Impeachment Court.
Sa press conference, gitin-aw ni Atty Tongol nga magpabilin ang maong pahimangno hangtod mahuman ang hearing.
Una niini, gipasabot ni Escudero nga ang pahimangno walay epekto sa nagpadayon nga imbestigasyon sa NBI.
Gibutyag ni Tongol nga kabahin kini sa gahum sa korte nga magpagawas sa pahimangno aron mapatuman ang hustisya.
Ang bisan unsang paglapas niini mahimong basihan sa contempt depende sa desisyon sa korte
