Gipadayag ni National Bureau of Investigation (NBI) Director Melvin Matibag sa cross-examination nga ang iyang asawa nga si Laguna Representative Ann Matibag usa sa mga mambabalaod nga miendorso sa Articles of Impeachment batok ni Bise Presidente Sara Duterte.
Matud pa niini, ang iyang pagpakita isip testigo tungod sa subpoena nga gipagawas sa korte ug walay kalabutan sa trabaho sa iyang asawa isip legislator.
Giklaro ni Matibag nga lahi ang iyang papel isip director sa NBI ug ang papel sa iyang asawa sa Kongreso.
Sa susamang higayon, nasapon ni defense lawyer, Atty. Mark Vinluan ang pagsulti ni Matibag nga ang iyang pagtunga sa senate impeachment court nagsumikad sa usa ka subpoena.
Gitin-aw ni Vinluan nga walay gi-isyu nga subpoena kang Matibag.
Human ma korner, gibag-o ni Matibag ang iyang pahayag ug miingon nga boluntaryo siya nga mitestigo tungod sa iyang pag-apil sa pre-trial order.
