Gikompirmar ni Mae Curiano, ang Government Relations and Regional Affairs Officer sa National Grid Corporation of the Philippines (NGCP)-10, nga adunay gamay nga pagsaka sa singil sa billing sa kuryente sa bulan sa Hulyo.
Sa interbyu sa BOMBO RADYO, miingon si Curiano nga makita ang gamay nga uswag sa bill sa kuryente bunga sa pagsaka sa ancillary service rates.
Iyang gipasabot nga duha ang hinungdan sa pagsaka sa bayrunon sa transmission charges.
Ang una mao ang transmission wheeling rate, kini maoy direktang bayad sa NGCP alang sa pagpasa sa high-voltage nga kuryente gikan sa mga planta sa kuryente patulong sa mga distribution utilities.
Ang ikaduhang bahin mao ang ancillary services nga gitumong sa kalig-on sa kuryente sa tibuok rehiyon.
