Walay irregularidad nga nakita si Atty. Rowena Guanzon, kanhi Comelec Commissioner, sa gihimong pag-encash sa pondo sa Office of the Vice President pinaagi sa Land Bank of the Philippines.
Sa exclusive interview sa BOMBO RADYO, siya namugos nga ang maong transaksyon kabahin lamang sa regular nga gimbuhaton sa usa ka bangko sa gobyerno diin anaa ang tanan otorisadong opisyal.
Tungod niini, walay napamatud-an nga kalapasan sa balaod ang paggawas sa pondo.
Gidugang usab ni Guanzon nga husto ang lakang ni Attorney Micheal Poa nga dili na ipailalom sa cross-examination ang mga testigo gikan sa bangko tungod kay sakto ug pormal ang tanang proseso.
Nagpakita lamang kini nga ang ordinaryong pag-proseso sa kwarta gihimo sumala sa gitakdang lagda sa institusyon.
