Target sa Department of Budget and Management (DBM) nga isumite sa Kongreso sa dili pa ang Agosto 14 ang gisugyot nga P7.2-trilyon nga nasudnong badyet alang sa 2027, sumala ni Budget Secretary Kim Robert De Leon.
Ang maong badyet susama sa 21.7 porsyento sa gross domestic product (GDP) sa nasud, apan wala pa gipadayag ang kumpletong detalye.
Matod ni De Leon, gipahugtan sa DBM ang pagrepaso sa mga programa ug proyekto aron masiguro nga ang paggasto sa gobyerno epektibo ug makatubag sa tinuod nga panginahanglan sa publiko.
Gipasiugda usab niya nga mapalig-on ang transparency ug accountability pinaagi sa digital monitoring platforms sama sa COMPASS ug Project DIME.
