Nangandam na ang National Bureau of Investigation o NBI sa pag-isyu og subpoena batok kang Batangas Rep. Leandro Leviste ug kanhi kongresista Jing Paras kabahin sa giimbestigahang alegadong “honeypot” plot batok kang Executive Secretary Ralph Recto.
Gikumpirma ni NBI Director Atty. Melvin Matibag nga ipatawag ang duha aron makahatag sa ilang pahayag ug motubag sa mga alegasyon.
Matod sa NBI, kabahin kini sa padayong imbestigasyon aron masuta ang tinuod nga mga panghitabo.
Hatagan usab ang duha og higayon sa pagpresentar sa ilang panig isip kabahin sa due process.
Human sa ilang mga pahayag, ang NBI maoy motino kung adunay igo nga basehan sa pagsang-at og mga kaso batok sa mga akusado.
