Mukabat sa ₱8-milyon ang kinatibuk-ang kadaot sa sunog nga miigo sa Burgos Street, Barangay 7, Cagayan de Oro City kagahapong adlawa diin pito ka balay ang hingpit nga naugdaw ug tulo ang partially damaged.
Basi sa gipagawas nga pahayag ni Cagayan de Oro City Fire District Chief of Operations FSINSP John Rey Donasco, lakip sa naabtan sa kalayo mao ang usa ka fire truck nga nagresponde human kini gidaplinan sa kusog nga hangin sa atol sa operasyon.
Gumikan niini, mikabat sa kapin tulo ka oras ang gihimong pakigbisog sa Bureau of Fire Protection sa wala pa nila opisyal nga gideklarar ang fire out.
Sa kasamtangan, nagpadayon pa ang gihimong imbestigasyon sa mga bombero aron matino ang gayod nga hinungdan sa maong pag-ulbo sa kalayo.
