Namahayag si US President Donald Trump nga nagpadayon ang back-channel nga pakigpulong tali sa Estados Unidos ug Iran pinaagi sa Saudi Arabia, United Arab Emirates (UAE), Qatar, ug ubang mga kaalyadong nasud.
Matud pa ni Trump, ang maong komunikasyon gihimo sa hangyo sa Iran aron hatagan pa kini og katapusang higayon sa pagkab-ot og usa ka diplomatikong kasabutan.
Matod usab ni Trump kini na ang “last chance” alang sa Iran sa pagpirma sa maong kasabutan sa dili pa mopadayon ang Estados Unidos sa mas estriktong mga lakang batok sa Tehran.
Samtang wala pay gipadayag si US President Donald Trump nga eksaktong mga lakang nga iyang gihisgutan, apan nagpasidaan siya nga magpadayon ang ilang plano kon mapakyas ang negosasyon.
Sa laing bahin, wala pa mokumpirma ang Iran sa giangkon ni Trump ug wala usab kini miila nga adunay nagpadayon nga back-channel nga pakigpulong tali sa duha ka nasud
