Gipasidunggan ni Dr. Ferdinand Vinco Jr., principal sa Lapasan National High School, ang lig-on nga panaghiusa sa komunidad aron masiguro ang kaluwasan sa tunghaan.
Matag buntag ug hapon, ginahimo ang hugot nga inspeksyon sa mga bag sa mga estudyante pinaagi sa kapulisan ug mga gwardiya.
Dugang pa, adunay watchman nga gipadala gikan sa dakbayan aron maglibot ug magbantay sa palibot sa eskwelahan.
Sigurado usab nga magpabilin ang presensya sa barangay police gikan alas 3:30 hangtod alas 4:00 sa hapon aron masiguro ang kahapsay ug kaluwasan sa mga kabatan-onan sa ilang paggawas.
Isip dugang nga lakang, gigamit sa barangay ang L300 nga sakyanan aron makahatag og libreng sakay sa mga estudyante, aron mas hapsay ug mas luwas ang ilang pagpauli.
