Gitin-aw sa depensa ni Vice President Sara Duterte nga adunay katin-awan ang paggamit sa ₱125 milyon nga confidential funds sulod sa 11 ka adlaw, ug wala pa sila mouyon sa stipulation bahin niini tungod kay mahimo pa kining hisgutan sa cross-examination.
Sumala ni Atty. Michael Wesley Poa, tigpamaba sa depensa, nga adunay mga eksplanasyon ang ilang kampo kabahin sa maong paggasto.
Matud pa niya, wala usab nila gilalis ang mga opisyal nga dokumento sa Commission on Audit o COA, sama sa Audit Observation Memorandums o AOMs ug Notices of Suspension, gawas sa mga acknowledgement receipts. Gipasabot ni Poa nga lahi kini sa isyu sa mga tseke nga gi-encash sa Land Bank nga ilang gihagit kaniadto. (JANE ABULAG)
