Gipadayon sa Office of the Senate Impeachment Court ang maampingong pagrepaso sa mga dokumento ug rekord nga may kalabutan sa mga subpoena nga gipagawas ngadto sa Anti-Money Laundering Council o AMLC, mga bangko, ug Bureau of Internal Revenue.
Matod ni Atty. Reginald Tongol, spokesperson sa impeachment court, ilang gisusi pag-ayo kung unsang mga impormasyon ang mahimong ipagawas sa publiko subay sa mga lagda sa korte ug sa pagpanalipod sa sensitibong datos.
Gipasabot nga tumong niini nga mapreserbar ang integridad sa mga dokumento ug malikayan ang posibleng paglapas sa legal nga mga limitasyon sa pagpagawas sa rekord.
Ang maong mga dokumento kabahin sa mga rekord pinansyal nga may kalabutan sa mga alegasyon nga gihisgutan sa impeachment case.
