Miani og dakong kalipay alang sa mga biyahero ang gihimong lakang ni CDO City Councilor Eric Salcedo human gipatan-aw ug gihangyo sa Land Transportation Franchising and Regulatory Board o LTFRB ang pag-adjust sa fare matrix o taripa sa pilitihan.
Giinsistir sa opisyal nga angay gyud ikwenta pag-usab ang gilay-on sa kilometro gikan sa Gitagum padulong sa Bulua aron mahimong patas ang sukdanan sa plite sa mga PUV.
Nunot niini, gipasalig sa konsehal nga moobos gyud ang mabayad nga pletehan sa mga sumasakay imbes nga motaas.
Sa pikas bahin, gilauman nga makatabang pag-ayo kining maong adjustment sa taripa aron makadaginot ug magkagaan-gaan ang adlaw-adlaw nga gastuson sa mga ordinaryong pasahero..
