Dakong bakak ug purong fake news ang migawas nga mga balita nga dili na pasudlon ang mga taga-probinsya sa dakbayan sa Cagayan de Oro subay sa gipatuman nga transport ordinance, sumala pa ni Konsehal Eric Salcedo.
Gitin-aw sa opisyal nga supak kini sa balaod ug usa ka dakong kalapasan kung tinuod man. Ang tinuod nga gipangulohan sa maong patakaran mao lang ang pagpatuman nga kutob ra jud sa terminal ang mga pampasaherong sakyanan nga gikan sa East ug West nga bahin.
Aron matabangan ang mga sumasakay, nakig-storya na ang lokal nga gobyerno sa LTFRB aron tan-awon ug ayuhon ang pletehan sa mga pampublikong sakyanan.
Tungod sa maong aksyon, gilauman nga mas mo-ubos ang plete sa mga ruta sama sa Igpit-Tagoloan padulong sa Bulua, tungod kay kwentahon na ang sakto nga distansya sa kilometro imbes nga adunay dugang nga tingil.
