Gipadayag sa spokesperson sa prosecution panel nga si Ex-Rep. Robert Ace Barbers ang dakong pagduda sa gi-submit nga liquidation reports gikan sa Office of the Vice President ug DepEd tungod kay pulos lamang kini mga acknowledgment receipts nga dili kumpleto nga basihan sa pag-audit.
Gipamugos sa prosekusyon nga dunay klarong listahan sa mga allowable items alang sa paggamit sa confidential funds ug ang pagpalit sa tambal sama sa pananglitan sa nakasadat nga si alyas “Mickey Mouse” sa ₱50,000 alang sa medisina dili gayud gidawat sa guidelines sa Commission on Audit (COA).
Gipasabot usab sa panel nga kinahanglang nasayod ang maong mga ahensya sa hapsay nga lagda sa panalapi ug dili basta-basta nga makapaggawas sa pondo sa dili puyde nga mga gastuhan.
Samtang natingala ang kadaghanan sa gikadudahang nga mga resibo, mas misamot pa ang kwestyon tungod kay wala matino kon kinsa gyud ang tinuod nga nakadawat sa maong kantidad.
Sumala pa sa gihimong pagsusi kauban ang Philippine Statistics Authority (PSA), ang mga pangalan nga nakatala sa mga resibo wala sa opisyal nga records of birth ug records of death.
Tungod niini, lig-ong gipahayag sa prosekusyon nga kining mga nakadawat nga tawo puros ra mga “non-existent” o dili gayud tinuod nga nagpasabot sa dakong iregularidad sa paggamit sa pondo sa nasud.
