Nagpabilin nga dako ang suporta sa Commission on Elections Region 10 pinaagi ni Regional Director Renato Magbutay nga idayon gayud ang pagpahigayon sa Barangay ug Sangguniang Kabataan Elections karong Nobyembre 2 sama sa orihinal nga gitakda.
Sa iyang interbyu sa Bombo Radyo, iyang gitin-aw nga ang mga gipang-file nga balaodnon sa House of Representatives aron ibalhin ang piniliay ngadto sa tuig 2028 kay pulos pa mga bill ug layo pa nga mahimong usa ka ganap nga balaod.
Samtang nagpaabot sa pinal nga desisyon, gipahinumdoman usab sa maong opisyal ang mga lideres nga sundon ang kasamtangang eskedyul tungod kay gipahayag sa Korte Suprema nga supak sa batakang balaod ang basta-basta nga pagsuportar sa suspension nga walay lig-on ug pormal nga rason.
Tungod niini, nanawagan ang komisyoner nga tumanon ang mga lagda nga gipagawas sa kataas-taasang korte aron dili masubli ang dili makatarunganong pag-uktaba sa katungod sa pagpili sa mga molupyo sa matag barangay.
