Gipang-harass pinaagi sa sunod-sunod nga kaso sa nagkadaiyang bahin sa nasud ang 18 ka ex-Marines ug si Atty. Levito Baligod aron lang gipiton sa pipila ka mambalaod, sumala ni retired Brig. Gen. Atty. Virgilio Garcia.
Gipasabot sa kanhi opisyal nga mas paspas pa ang pagpasaka og reklamo batok sa mga nagbutyag sa kamatuoran kaysa pag-imbestigar sa mga kongresista nga gitudlo sa mga sundalo.
Dugang pa niya, gibana-bana nga 80 hangtod 90 porsyento sa mga mambalaod ang nalambigit, diin gigamit pa ang giingong ₱1 trilyon nga pondo ug ₱58 milyon nga suburno sa maleta aron pabaliktaron ang mga testigo.
Samtang andam usab ang mga kanhi Marino nga motudlo pinaagi sa mga litrato sa uban pang mga opisyal nga ilang nakita apan wala pa nila mapangalanan.
