Gipatawag na sa komitiba ni Konsehal Edgar Cabanlas ang tanang stakeholders kauban ang Cagayan de Oro City Water District aron masulbad ang kakuwang sa supply sa tubig sa Bulua Fish Landing.
Apan luyo sa duha ka adlaw nga pagpang-ayo sa Water District, gibutyag ni Seafoods and Wholesaler President Irene Floro nga hangtod karon wala pa gihapon silay agas sa maong dapit.
Tungod niini, naghimo na lang og kaugalingong inisyatibo ang ilang grupo pinaagi sa pagpahigayon og regular clean-up drive matag buntag gikan sa Bay 1 hangtod sa Bay 16.
Gipahimangnoan usab ni Floro ang mga retailer ug mga tindahan sa palibot nga kinahanglan silang magtinabangay sa pagpanglimpyo kon dili sila gusto nga mapahawa o matangtang sa maong dapit.
