Dili angayan gamiton ang confidential funds alang sa Christmas Party.
Kini maoy gipadumdum ni House Prosecutor Representative Terry Ridon sa mga opisyal sa gobyerno nga gadawatan sa Intelligence ug Confidential funds.
Gitin-aw ni Ridon nga kun gusto sa usa ka buhatan nga magpasiugda sa “kainan party”, kinahanglang gamiton nila ang ilang kaugalingong kwarta ug dili ang pondo sa nasud.
Tungod sa gihimong kahiwian sa Office of the Vice President, suportado sa magbabalaod ang gipahigayon nga fraud audit sa Commission on Audit (COA) aron masusi ug mabuhat ang saktong imbestigasyon bahin sa giingong pagwaldas o dili maayong paggamit sa maong pondo.
Gawas niini, nagpanikad usab ang magbabalaod nga matuki ang paghatag sa pondo sa mga dili organic personnel sa Office of the Vice President (OVP) ug Department of Education (DepEd), nga una nang gipalugwaan sa iregularidad nga mga findings sa COA.
