Nagpahigayon ang kagamhanan sa depensa sa Croatia og dinalian nga operasyon gamit ang gipakatap nga mga aerial firefighting units ug mga militar aron sa pakigbatok sa dakong wildfire sa tabok sa Dalmatia region, lakip na sa Omiš, Pelješac peninsula, Trolokve ug Zadar County.
Ang mga crew sa eroplano nga nagpalupad sa mga aircraft nga Canadair CL-415 ug Air Tractor AT-802 kay nagpahigayon og direktang paghulog sa tubig taliwala sa lisod nga sitwasyon tungod sa kusog nga hangin, baga nga aso ug titip nga kabukiran.
Aron pud mapanalipdan ang mga lokal nga komunidad, ang militar sa Croatia kay nakig-alayon sa mga bombero sa yuta ug nigamit og mga barko sa coast guard aron sa pagtabang sa pagbakwit sa mga lumulupyo daplin sa baybayon.
Pag-abot sa tunga-tunga sa Agosto, ang aerial units sa militar sa maong nasud kay nakahimo na og kapin sa 4,400 ka mga paglupad ug nakahulog na og kapin sa 21,000 ka mga toniladang tubig aron sa pagpalong sa mga sunog niining tuiga. (raniel mahunyag)
