Gatuo si Prosecution Spokesperson ug Kanhi Surigao del Norte Representative Robert Ace Barbers nga posibleng mahimong dugang nga ebidensya sa impeachment trial ni Vice President Sara Duterte kon ugaling mapamatud-an nga nidawat og binilyong kantidad sa Salapi ang Bise Presidente.
Ang maong pahayag ni Barbers kay adunay kalabutan sa pagsumiter ni Rodulfo Gracioso Jr. og affidavit ngadto sa National Bureau of Investigation (NBI) nga nagdeliver kini og maletang puno sa salapi ngadto sa pamilyang Duterte.
Matud ni Barbers, kung mapamatud-an ang maong alegasyon kay mamahimong kining idugang sa article 2 sa impeachment ni VP Sara nga nagtuki sa unexplained wealth niini.
Dugang niini, gipahayag usab ni Barbers nga gikinahanglang maghatag og justification ang Bise Presidente kung ngano nidako ang net worth niini gikan sa unang pagsulod niini sa kagamhanan niadtong tuig sa 2007 hangtud sa tuig 2025. (raniel mahunyag)
