Gikabalak-an sa kanhi diplomat ug law professor nga si Atty. Jojo Lacanilao ang mga gipagawas nga alegasyon bahin sa P319M nga pondo gikan sa mga kompanya sa China nga gi-alegar nga gibalhin sa negosyong KALE 88 sa mag-asawang Duterte.
Tungod niini, gipasabot sa legal expert nga dako ang peligro sa langyawng impluwensya sa pamunoan sa nasud kon mapamatud-an ang gipang-angkon nga salapi nga misulod sa mga bangko.
Gumikan niini, gitin-aw sa opisyal nga lisud ipasabot sa depensa ang pagtabon sa nasambit nga pondo pinaagi sa pag-ingon nga legitimatong export business lang kini ug pinaagi sa plausible deniability.
Gidugang pa sa abogado nga nagpabilin nga dako nga usapin sa Impeachment Court ang giingong wala ma-explain nga pondo tungod sa gipasangil nga kalainan sa gideklara sa SALN kumpara sa gi-alegar nga kwarta sa bangko.-
