Gihupay sa spokesperson ni Mayor Rolando “Klarex” Uy nga si Janboy Actub ang kabaka sa katawhan human misaka ang kilay sa pipila ka sektor sa giya sa City Council sa miaging Lunes.
Gitin-aw sa opisyal nga ang pagpangayo og otorisasyon alang sa bank negotiation dili pa kini pinal nga pag-utang, kun dili usa pa lamang ka lakang aron masusi ang kaangayan sa proyekto.
Gipasabut usab ni Actub nga gihimo kining paningkamot alang sa pagtukod sa bag-ong government complex sa Upper Carmen aron maluag ang kahuot sa Divisoria ug mapalambo ang serbisyo publiko.
Dugang pa sa opisyal, adunay ginahimo nga pagtuon ang Technical Working Group aron masiguro nga makadala kini og kalamboan ug dili makapabug-at sa dakbayan.
