Gipangayo ni Mayor Rolando “Klarex” Uy ang pagsubay ug pagsabot sa mga katawhan sa planong paghulam og 8.5 billion pesos nga pondo gikan sa bangko alang sa pagpatukod sa bag-ong Government Complex.
Gitin-aw sa lider sa dakbayan nga ang lakang gihimo aron usa na lang ka dapit ang adtoan sa katawhan ug dili na mahasol, mahago, ug makagasto sa pagproseso sa mga dokumento sa lokal ug nasyonal nga buhatan.
Hangyo sa amahan sa dakbayan nga lantawon ang kaugmaon sa syudad tungod kay pila ka tuig gikan karon, lisod na ang pagpangita og dakong yuta ug mas mosaka pa ang kalisod sa serbisyo kung dili kini pagangandaman.
Busa gipangayo sa mayor ang tabang ug suporta sa tanan aron madayon ang proyekto nga maghatag og kasayon sa mga anak ug sumusunod nga henerasyon.
