Gihagit sa Malacañang si Vice President Sara Duterte nga magpagawas og ebidensya human sa gipagawas nga pahayag niini nga matud pa gamiton sa palasyo ang nasudnong budget sa tuig sa 2027 isip bargaining chip aron i-presyur ang mga senator-judges ug maghatag og ganti sa mga kongresista nga mobotar og yes aron magpadayon ang impeachment trial batok kaniya.
Matud ni Palace Press Officer Undersectary Claire Castro, sayon ra kaayong magtudlo, apan lisud kining pamatud-an.
Dugtong niini, gihagit usab ni Castro ang Bise Presidente nga motambong sa bicameral conference nga ipahigayon sa kongreso aron masabtan niya kung asa mopadulong ang badyet ug unsay pamaagi sa paggasto niini aron dili kini mapadulong sa bulsa sa pipila ka kurakot nga opisyal sa kagamhanan. (raniel mahunyag)
