Gikasubo ug gikuwestiyon ni Senador Joseph Victor “JV” Ejercito ang mga Pilipino nga matud pa gadapig sa China sa social media taliwala sa naglungtad nga tensyon sa West Philippine Sea.
Miingon si Ejercito, makaguol kaayo nga adunay mga Pilipino nga gipiling panalipdan ug depensahan ang interes sa uban nasud inay mobarug alang sa kaugalingong nasud.
Dugtong niini, namugos ang Senador nga ang maong kinaiya duol na sa pagluib sa kaugalingon nasud nga mas grabe pa kung itandi sa mga kaaway sa nasud.
