Gitaupan na ang gipahigayong National Executive Board Meeting sa League of Cities of the Philippines diin ang dakbayan sa Cagayan de Oro ang nagsilbing host.
Gibutyag ni City Information Office Information Officer Jade Adeser nga miabot sa 27 ka mga mayor ang mitambong sa tigum samtang ang uban nagpadala sa opisyal nga representante.
Nahisgutan sa pulong ang mga solusyon sa problema sa matag dakbayan ug ang paghatag sa suporta gikan sa nasudnong gobyerno.
Nagpabilin nga bukas ang CDO-LGU sa pagpaambit ug pagkuha sa maayong pamaagi gikan sa ubang lokal nga gobyerno aron mas mapalambo pa ang paghatag sa serbisyo sa publiko.
