Gisiguro sa Misamis Oriental Provincial Jail ang sakto nga pangandam ug pagsusi sa bentilasyon sulod sa pasilidad alang sa mga Person Deprived of Liberty taliwala sa kainit sa panahon.
Namahayag si Misamis Oriental Provincial Jail Warden Ret. PMAJ. Rogelio Labor Jr. nga walay problema sa bentilasyon ug walay alisngaw ang mga selda tungod kay ginama sa baga nga semento ang atop ug gambalay sa presohan.
Gumikan niini, giminimize usab sa pamunoan ang sunning time sa mga preso diin gihimo na lamang kini sa hapon sa covered court aron makalikay sa sobrang kainit sa adlaw.
Apan, gipahimutang gihapon sa mga opisyal ang mga dagkong stand fan sulod sa pasilidad aron masiguro nga magpabilin nga presko ug hamugaway ang kahimtang sa mga babaye ug lalaki nga PDL.
